Իսկ դու նամակ գրե՞լ ես Ձմեռ Պապիկին

Վահագն Պոդոսյանը ստեղծել է մի զվարճալի ծրագիր, որի շնորհիվ հնարավոր է նամակ գրել Ձմեռ Պապիկին: Անհրաժեշտ է պատասխանել տրվող 21 հարցերին և վերջում կարդալ նամակը: Խորհուրդ է տրվում դաշտերը լրացնելուց լինել անկեղծ և լրացնել իրական տվյալներ: Ստացված հետաքրքիր ու զվարճալի նամակները կարող եք գրել այս գրառման մեկնաբանությունում:

Google-ի քարտեզների ծրագիրը նորից հասանելի է iPhone հեռախոսների համար

iOS 6 համակարգի թողարկման ժամանակ Apple ընկերությունը կատարեց ճակատագրական սխալ՝ Google ընկերության քարտեզները փոխարինելով իր կողմից մշակված քարտեզներով: Սակայն, ինչպես հետագայում պարզվեց, այդ քարտեզները օգտագործողների կողմից արժանացան բացասական գնահատականների՝ այնտեղ գտնվող մեծաքանակ սխալների պատճառով: Նույնիսկ Apple ընկերությունը ընդունեց իր սխալը և օգտատերերին խորհուրդ տվեց օգտվել այլ քարտեզներից: Google ընկերությունը այդ ընթացքում բարելավեց իր քարտեզների ինտերնետային տարբերակը ևչշտապեց թողարկել iOS համակարգի համար նախատեսված առանձին քարտեզների ծրագիր: Սակայն ի ուրախություն iPhone-ի օգտատերերի, Google-ը վերջապես թողարկեց այդ սարքերի համար նախատեսված քարտեզների ծրագիրը:

Ծրագիրը քարտեզներից բացի ներառում է նաև ձայնային հուշումներով տրանսպորտային նավիգացիա և քարտեզների հետ կապված այլ օգտակար գործիքներ: Ծրագիրը կարող եք ներբեռնել այստեղից:

iOS 6 համակարգի թողարկման ժամանակ Apple ընկերությունը կատարեց ճակատագրական սխալ՝ Google ընկերության քարտեզները փոխարինելով իր կողմից մշակված քարտեզներով: Սակայն, ինչպես հետագայում պարզվեց, այդ քարտեզները օգտագործողների կողմից արժանացան բացասական գնահատականների՝ այնտեղ գտնվող մեծաքանակ սխալների պատճառով: Նույնիսկ Apple ընկերությունը ընդունեց իր սխալը և օգտատերերին խորհուրդ տվեց օգտվել այլ քարտեզներից: Google ընկերությունը այդ ընթացքում բարելավեց իր քարտեզների ինտերնետային տարբերակը ևչշտապեց թողարկել iOS համակարգի համար նախատեսված առանձին քարտեզների ծրագիր: Սակայն ի ուրախություն iPhone-ի օգտատերերի, Google-ը վերջապես թողարկեց այդ սարքերի համար նախատեսված քարտեզների ծրագիրը:

Ծրագիրը քարտեզներից բացի ներառում է նաև ձայնային հուշումներով տրանսպորտային նավիգացիա և քարտեզների հետ կապված այլ օգտակար գործիքներ: Ծրագիրը կարող եք ներբեռնել այստեղից:

Internet Explorer-ով բացված էջը կարող է հետևել մկնիկի կոորդինատներին

Internet Explorer դիտարկչում հայտնավերբել է վտանգավոր սխալ, որը թույլ է տալիս հետևել մկնիկի կոորդինատներին` նույնիսկ եթե դիտարկչում բացված էջը գտնվում է ծալած վիճակում: Բացթողումը առկա է Internet Explorer-ի բոլոր տարբերակներում (6-10): Օրինակ այս բացթողման միջոցով հակերները կարող են ստանալ վիրտուալ ստեղնաշարով հավաքվող գաղտնաբառերը (վիրտուալ ստեղնաշարը կարող եք գտնել Start Menu-ում On-Screen Keyboard անվան տակ):  Վիրտուալ ստեղնաշարերը հիմնականում օգտագործվում են համակարգչի մեջ տեղադրված keylogger ծրագրերից պաշտպանելու համար, որոնք կարող են ստեղնաշարի վրա հավաքած տեքստերը ուղարկել հակերներին: Փաստորեն  Internet Explorer-ում վիրտուալ ստեղնաշարերից օգտվելը ավելի վտանգավոր է:

Micrososft-ում տեղյակ են այս բացթողման մասին, սակայն մոտ ապագայում չեն նախատեսում այն վերացնել: Մինչ այդ արդեն գովազդային ընկերությունները օգտագործում են այս բացթողումը ինտերնետային կայքերում օգտագործողների մկնիկների հետագծերն ու կոորդինատները ֆիքսելու համար: Ընդ որում հնարավոր է նաև հետևել պատուհանի չափսերի և դիրքի փոփոխմանը:

Բացթողումը տեսնելու համար բացեք այս կայքը Internet Explorer-ով, այնուհետև այն շարժեք մկնիկը բացված էջում կամ համակարգչի էկրանի վրա:

Armnet Awards 2012 մրցույթին մասնակցող իմ կողմից ընտրված մի քանի կայքեր

Ինչպես գիտեք այժմ ընթացքի մեջ է Armnet Awards 2012 հայկական կայքերի մրցույթը: Մրցույթն անցկացվելու է երկու փուլով: Առաջին փուլի ընթացքում ժյուրիի անդամները կուսումնասիրեն և կգնահատեն բոլոր առաջադրված կայքերը և մրցույթի ավարտից մեկ շաբաթ առաջ` նոյեմբերի 30-ին, կընտրեն յուրաքանչյուր անվանակարգի հավակնորդ կայքերը: Մրցույթի երկրորդ փուլի ընթացքում ժյուրին կընտրի յուրաքանչյուր անվանակարգի հաղթող կայքը և մրցույթի գլխավոր մրցանակակրին: Այս տարի մրցույթին գրանցվել են 500-ից ավել կայքեր, չնայած գրանցվածների մեջ շատ կան կրկնվող կայքեր (օր. նույն կայքը գրանցվել է www-ով և առանց www-ի): Չեմ ալարել ու ուսումնասիրել եմ բոլոր գրանցված կայքեր: Ճիշտն ասած մեծ մաս են կազմում մրցույթի պայմաններին չբավարարող կամ համարյա դատարկ բովանդակությամբ կայքերը, բայց գրանցվածների մեջ կան նաև լավ գաղափարներով ու բովանդակությամբ կայքեր: Այսպիով ներկայացնում եմ իմ կողմից առանձնացված 15 կայքեր ու մի բջջային հավելված: Հիմնականում հաշվի եմ առել դրանց նորարարություններն ու ֆունկցիոն լուծումները:

Քարտեզներ և պանորամաներ

www.360yerevan.am 
Թույլ է տալիս վիրտուալ զբոսնել Երևանի փողոցներով:

www.hinyerevan.com 
Քարտեզի վրա ցուցադրվում են Երևան քաղաքի հին լուսանկարները: Հնարավոր է ավելացնել նոր լուսանկարներ:

www.citybugs.am 
Թույլ է տալիս քարտեզի վրա բարձրաձայնել Երևանի կոմունալ և այլ խնդիրների մասին: Այս նախագիծը իմ կարծիքով հաղթողներից մեկն է լինելու, քանի որ կայքը համագործակցում է նաև քաղաքապետարանի հետ:

www.iyerevan.am 
Այս նախագիծը նույնպես թույլ է տալիս քարտեզի վրա նշել Երևանի կոմունալ և այլ խնդիրների մասին:

Օնլայն առևտուր և ծառայություններ

www.e-payments.am 

Պետական վճարումների էլեկտրոնային համակարգ:

www.sas.am 
SAS սուպերմարկետների ցանցից օնլայն գնումներ կատարելու համար նախատեսված կայք է, որը ֆունկցիոնալ առումով շատ լավ է պատրաստված:

www.menu.am 
Պատվերների առաջին միացյալ համակարգն է, որի շնորհիվ առաքումը դարձել է հեշտ և հասանելի: Հնարավոր է մի պատվերի մեջ ներառել տարբեր սննդի կետերի ուտելիքներ:

www.igind.am 
Հայտարարությունների գրագետ պատրաստված  կայք է, որի միջոցով հնարավոր է գտնել անհրաժեշտ ապրանքը կամ ծառայությունը:

www.lemon.am 
Առևտրային հարթակ է, որը հնարավորություն է տալիս ստեղծել սեփական օնլայն խանութը և վաճառել տարբեր ապրանքներ: Կա նաև աճուրդի հնարավորություն:

www.bonus.am 
Կայք, որտեղ կարող եք ստանալ Երևանի խանութների, առևտրի կենտրոնների, գեղեցկության սրահների, բժշկական հաստատությունների, ռեստորանների ու սրճարանների զեղչային կտրոններ:

Տեղեկատվական և ուսուցողական

www.find.am 
Հայաստանում գտնվող ժամանցի վայրերի, հյուրանոցների և այլ հասարակական վայրերի մասին ինֆորմացիոն կայք: 

www.doctors.am 
Հայաստանում գտնվող հիվանդանոցների, բժիշկների, ինչպես նաև զանազան հիվանդությունների մասին ինֆորմացիոն կայք: 

www.datalex.am 
Դատական տեղեկատվական համակարգ: 

lib.armedu.am 
Այս կայքում տեղադրվում են կրթական, ուսումնական և մեթոդական էլեկտրոնային գրքեր ու բազմազան այլ նյութեր:

www.armlikes.com 
Չնայած սա հեղինակային նախագիծ է, բայց կարծում եմ արժանի է ընդգրկվել այս ցուցակի մեջ: Կայքը իրենից ներկայացնում է Ֆեյսբուքի հայկական էջերի վարկանիշային համակարգ:

Բջջային հավելված

Police Cameras 
iPhone-ի և iPad-ի համար նախատեսված հավելված է, որը թույլ է վարորդներին նախազգուշացնում է մոտակայքում գտնվող արագաչափերի մասին:

Ստեղծեք Ձեր կամ ընկերների ֆոտոռոբոտները

Ավելացնում ենք վիդեո և Mp3 ներբեռնելու կոճակներ Youtube կայքում

Երբեմն անհրաժեշտություն է առաջանում Youtube կայքում տեղադրված տեսահոլովակները ներբեռնել և պահել համակարգչի մեջ, կամ ներբեռնել այդ տեսահոլովակները mp3 ֆորմատով: Գոյություն ունեն տարբեր հավելվածներ, որոնք Youtube-ում ավելացնում են տվյալ երգը կամ տեսահոլովակը ներբեռնելու կոճակներ: Կարող եք սեղմել համապատասխան դիտարկչի վրա և տեղադրել հավելվածները:

Վիդեո ներբեռնելու կոճակ

Mp3 ներբեռնելու կոճակ

   գցել   

Հետաքրքիր օպտիկական խաբկանք

Ուշադիր նայեք պատկերի որևէ հատվածի վրա և մի քանի վայրկյան անց  պատկերը ամբողջությամբ կանհետանա:

Պաղպաղակի ինտերակտիվ խաղ-գովազդ

Pleasure Hunt-ը Magnum պաղպաղակների ինտերակտիվ խաղ-գովազդ է: Խաղի ընթացքում դուք կհայտնվեք ինտերնետային տարբեր էջերում և կայցելեք աշխարհի տարբեր երկրներ: Խաղում հարկավոր է հավաքել հնարավորինս շատ շոկոլադներ և հասնել վերջնակետին:

Վերջերս թողարկվել է նաև այս խաղի երկրորդ մասը, որը նույնպես բաղկացած է բավականին հետաքրքիր ու գեղեցիկ լեվելներից:

Խաղալ 1-ին մասը

Խաղալ 2-րդ մասը

Երեխաների պրոֆիլների հետ կապված փոփոխություններ Odnoklassniki.ru կայքում

Ս.թ. նոյեմբերի 1-ից Odnoklassniki.ru կայքում գրանցված 14 տարեկանից ցածր օգտատերերը այլևս նամակներ չեն կարողանա ստանալ անծանոթ օգտատերերից: Երեխաները կարող են նամակներ ստանալ միայն իրենց ընկերներից և ծնողների ընկերներից: Այս քայլերով Odnoklassniki.ru կայքը փորձում է երեխաներին հեռու պահել վտանգավոր նյութերից ու մարդկանցից: Հետագայում նախատեսվում է նաև կարգավորումների մեջ նոր ֆունկցիա ավելացնել, որը թույլ կտա թաքցնել անծանոթ մարդկանց կողմից արված գնահատականները: Կայքում հնարավոր չի նաև փնտրել 14 տարեկանից ցածր օգտատերերի պրոֆիլներ, չնայած այդ պրոֆիլները հասանելի են Yandex-ով փնտրման դեպքում: Հիշեցնեմ նաև, որ մի քանի ամիս առաջ  odnoklassniki.ru կայքում հայտնվեց մի կոճակ, որը թույլ էր տալիս 13 տարեկանից ցածր երեխաներին բողոքել անծանոթ մարդկանց կողմից ստացված նամակների դեմ:

Odnoklassniki.ru կայքում ավելացել է պրոֆիլը ձևավորելու հնարավորություն

Ռուսական Odnoklassniki.ru կայքում այժմ ավելացել է նոր ֆունկցիա, որը թույլ է տալիս փոխել պրոֆիլի հետևի ֆոնը: Հիշեցնեմ, որ նախկինում հետևի ֆոնը փոխելու համար անհրաեշտ էր օգտվել ոչ պաշտոնական լրացուցիչ հավելվածներից, որոնք կարող էին վտանգավոր կոդեր պարունակել իրենց մեջ: Այժմ կայքի հետևի ֆոնը փոխելու համար անհրաժեշտ է սեղմել վերևի աջ մասում գտնվող Украсьте вашу страницу կոճակը:

Բացված էջում կարող եք ընտրել Ձեր ճաշակին համապատասխան դիզայնը և կիրառել այն կայքի վրա: 

Նշեմ նաև, որ Ձեր ընտրած դիզայնը տեսնելու են նաև Ձեր  ընկերները և  Ձեր պրոֆիլ այցելող այլ օգտատերերը։ Եթե որոշ օգտատերերի մոտ այս ֆունկցիան հասանելի չի, ապա հավանաբար մոտակա օրերում այն կակտիվանա։

Windows 8 RT համակարգով աշխատող Surface պլանշետների գները արդեն հայտնի են

Կարծում եմ նորություն չի, որ անհատական համակարգիչների մոտ 80%-ի վրա տեղադրված է հենց Windows օպերացիոն համակարգ: Սակայն Windows 8 օպերացիոն համակարգի թողարկվելուն զուգահեռ Microsoft ընկերությունը փորձում է մեծ ազդեցություն ունենալ նաև պլանշետների շուկայում և միանգամից պայքարի մեջ է մտնում ծանր հրետանիով: Բլոգում մի անգամ արդեն անդրադարձել եմ, որ Microsoft-ը շուտով վաճառքի է հանելու Surface պլանշետներ: 

Եվ ահա վերջապես հայտնի դարձավ, թե ինչ կարժենան այն Surface պլանշետները, որոնց վրա տեղադրված կլինի Windows 8 RT օպերացիոն համակարգ: 

Windows 8 Pro համակարգով Surface-ների գները դեռ հայտնի չեն: Տեղեկացնեմ նաև, որ Windows 8 RT տարբերակում հնարավոր է տեղադրել միայն Windows Store-ի ծրագրերը և բացակայում են մի քանի ֆունկցիաներ Pro տարբերակի հետ համեմատած:

Հավանեցի՞ր, դե տեղեկացրու ընկերներիդ`